ما لقيت من نشكيله .. حتى القمر زعلان غاب الليله
في غيبتك
بروحي ساهر .. ..................... نخمم على فرقاك قلبي قاهر
حتى القمر ما هو الليله ضاهر .... نفضفض اللي في خاطري نحكيله
جميع ما خفي عالناس ليه نجاهر..عسى يكون مسعى خير في توصيله
صاين اسرار البشر قلبه طاهر .. مش كيف جنس البشر كذب و حيله
غبتي وغيّب ........................ صاين اسرار العاشقين الطيّب
على رغم بعده للقليب قريّب ...... كبير قلب جملة من شكى يصغيله
لايقاطعه لايطيح فيه يعيب .............. يهون عليه بدون ما يدويله
معايش ايام غرامنا يا حبيّب ............ حاسس بلوعة نارنا الشعيله
زعلان لغيابك مساره سيب ............. ما يريد حد ليا بكى يرعيله
الإثنين 22 أبريل 2024, 11:13 pm
الثلاثاء 11 مايو 2021, 12:32 am
