اعراسنا الليبيه ..
احضر يا زين و كدس
علي طرابلس واعراسها
و علي لمة ناسها
وعلى الوشيقة في قرطاسها
وعلى كل من خش العتبة و داسها
احضر يا زين وكدس
علي لمة الفضان
اللي فيها الشرط يبان
وعلى فرحة العيلة والجيران
و علي الخمسين و الثلاثة
و علي الماير ما فاته
وعلى العبمبر والروزاتة
والمكسرات والشيكولاتة
احضر يا زين وكدس
علي غني بوطويل
في النهار و في الليل
و علي رفوع الصايبة
والجارة شن جايبة
و علي اللي ما تمشي فاضية
 علي الغريبة و المقروض
 حتى البعيد يضوق
وعلي تكسكيس الجارات
و علي ديران الحلاوات
وسهرية المستادنات
 و غني و زغروطات
و علي طابور السيارات
 نظاف مدرسات
بيض وحمر وكحلات
و علي القفة والسوابيت
 و يمدوهم البناويت
وعلى السرب فوق الحيط
و علي الرقيص و الغني
و علي الفرح والزهي
و علي النوبة والغياط
 يرقصوا عليه البنات
وعلي عشي العروسة
 و علي القعاد المدسوسة
وعلي الحبيب اللي جاي بقدره وناموسه
احضر يا زين وكدس
علي نهار التلات
و علي ربيع البنيات
جلوة وحصيرة وصدارات
وعلي كسكسي العصبان
وعلي اسبارنا زمان
وعلي ليلة الحنة
 و علي العويلة الملتمة
وعلي المدان و التستيف
والدنيا كلها ع الكيف
 وعلي التكبير بالضيف
وعلى القلب النظيف
احضر يا زين وكدس
علي حنة الخطيفة
مرسومة و نظيفة
وغني عيشة وشريفة
وترد امني ولطيفة
احضر يا زين وكدس
علي غني الزمزامات
وعلي الصفر الباهيات
و علي خيرية و صبرية
و علي نجمة و سهرية
و علي الغني المبدع
والرقيص زوز بزوز
والشاهي باللوز
احضر يازين وكدس
علي ودعوا ودعوها
و علي دموع في حوش بوها
و علي الحوالي والتساتميل
 و علي سهرية عقاب الليل
والنجمة والقنديل
احضر يازين وكدس
 علي الزين المنقوش
و علي حفلته في الحوش
والرشتة والقرقوش
احضر يازبن وكدس
 علي المحاضر و النجمامي
و علي الصدارات قدامي
و علي وقوف الفراجات
والنساوين و البنيات
و علي وصول اللافيا
 و علي قدوم العافية
وعلي العريس الشاب
 وعلي وقفة الاحباب
وعلي سهرات فنان .
 وعلي طرز الريحان
و علي سهرية العراسة
 و علي اصحابه و ناسه
و علي تطليع القنديل .
بعد نفص الليل
و علي الفاتحة المليحة ..
 و علي البخور و التفويحه
وعلي عبمبر و روزاظة
 وعلي بدلة وقرواطة
وعلي مولد وتدريجة