كبير دينها ويصعب عليك سداده .. نبع الحنان الغاليه الودادة
ماننكرها ..
وفي القلب ديما الغاليه موكرها ..
اللي وين نضايق انجي انخبرهاا ..
على قلب ينزاحوا جميع نكاااده ..
على راحتي فالليل طال سهرهاا ..
امنين كنت فقماطي حديث ولاده ..
وحتى امنين اكبرت في خاطرها ..
تبي ولدها مشهور بين انداااده ..
على شكل امي ربنا صورهااا ..
جنة الدنيا خيرهاا بداده..
انجي لحوشنا ننشد نبي ننضرهاا ..
بلا شبحها الخاطر يعاف ارقااده ..
قصة غلا لو كان بنفسرهااا ..
نبي عمر فوق العمر عمر ازياده ..
اللي عاطيتني قدر وامقدرهااا ..
وهي دوم عندي للهموم اوساااده ..
ولو موش خوفي من اللي ساترها ..
اندير زولها بين لفروض اعبااااده ..