يامطر.. صبي صبي .. صبي علي حوش القبي
و القبي ماعنده عَشَىْ غير خبيزة بالترشي
يامطر .. يا بشباشة صبي علي حوش الباشا
و الباشا ماعنده شي غير خبيزة بالشَّشي
يا مطر يا بيه صبي علي الطاقية
طاقيتي محطوطة فيها قرين وحوتة
يا مطر يا غالية صبيلي على الخابية
فيها شحيمة غاوية نحطوها مع الحمص الني
صبي , صبي ع الميزاب فوق الخلوة و الكِتاب
بجاهك يا من زار وتاب وشرب من زمزم وروي
صبي صبي في عيدنا وزيتنا في دقيقنا
الله يخلي سيدنا يعطينا ويزيد اشوي
يا مطر صبي الوديان وخلي سوانينا غدران
بين الكرمة الرمان وتحت نخيلات المَسِّي
صبي , صبي فوق البير أملي جْنَيِّنَا بالغدير
قصيعتنا نملوها شعير نرحوها نديروها اغدي
صبي , صبي فوق الحيط وأملي ماجـِنَّـا بالغيث
بالقردل نملى الخيط ونسقي بوي مع أمي
نشر بواسطة : الحاج الطرابلسى
اليوم في 1:16 pm
الأربعاء 06 ديسمبر 2023, 11:07 pm
