انكافيك نقدر بالجفا يا جافي ...... انداري حنيني ولهفتي واريافي
نتركه مدعاكم
اندير عزم ونشطب على ذكراكم
ننساه ونعده سريب غلاكم
حلم وتلاشى من خواطر غافي
لا مركبي تقدع على مرساكم
ولا نعاتبك يا بو غثيث مسافي
ولا انداري شوقي
وحبن جرى في الدم ووسط عروقي
لو كان نطلب في الغرام حقوقي
بسنين عمرك م ترد اسلافي
ولا عاد تمشي عملتك في سوقي
معايا زها ترقد العين عوافي
ولا انداري حبي
نواري حنيني ع العيون انخبي
وجرح الغلا انداوية نلقى طبي
انكان ما اقتل يبقى سطيرة خافي
كما النار من بعد السعير تهبي
تبات قايله تصبح رمادن طافي
انكافيك نقدر بالجفا يا جافي