( أصحاب الصّوب )
حوار في صـوب خليل
قال :
ما سمّرك صـــــطّار جرح لوالي
حتى وهن جروحك سمّرن لخرين
ولا دين عندك فــــي مذمة غالي
ولا لك علي غالـــي بواقي دين ؟
قالت :
العقل من سريب الصوب مرتاح
لا قديــــــمين لا جدد
جايل وفاضـــــــي صوب
ولا معاك نـــــيران م الغلا ؟
قال:
اليوم من منـــاويل الغلا متهنّي
وتركه عليه اجــبرت مي بالطاعة
العون في غلا القـــديم ما عاونّي
حطّيت المذاري فــوق تبن القاعة
قالت :
قديم الغلا ع الـنار ياسه دال
وبري مو مشـارك ف الغلا بخطاه
والاّ أذايل خـــــصّ في لقوال
ودين الغلا كـــاد القديم وفاه ؟
قال :
قديم منقضه ما عد عليه نسال
نصيبه اقطـع وأنا انسيت غلاه
سوا طيحتي كانت من الجّمال
والا طحت بيدي ميش من سبّاه
ما عاد تفرق قـايله لمثال
علي كل حال اوصلت ف الوطاه
قالت :
وبالك يقابل عون
تلحم جديد نـيران الغلا
قال :
إن كان شخت ما لي نوع في موّاله
ولا عد العين تــــجرّني لسريبه
والعقل قانـــــع م النسا بحلاله
ومواطي النظر ع اللّي عليه صعيبه
مواسي مع الـــفراش مدّ ارجاله
وقول لوّلين مـــــطبّقه ماشيبه
البومة ولا جـــارح صعيب مطاله
يحوم فوق مو مضـمون فيه نصيبه
أوقات فيه يبـــقاله نصيب يناله .
وأوقات يخرّم مــا نصيب يجيبه .
نشر بواسطة : لؤلؤة بنغازى
اليوم في 6:53 am
الخميس 28 يوليو 2022, 12:27 pm
