|
كاتب الموضوع | رسالة |
---|
| موضوع: علي لقدمّ سكًرته الباب الأربعاء 13 مارس 2024, 12:37 am | |
| علي لقدمّ سكًـــــــرته الباب دفنت الصوب هيّلت التراب مو لازم انفكر باب قديم هاوينه امسكّر درس خذيت من ماضي امعكًر جارّ عليّ والقيته سراب رام اخرين ولودًي تنكّر علقم شين جرًعني اكواب اتعاب الصوب دافعن امبكًر همً وغمً لوعات وعذاب الحزن امعاي يا صاحب اموكّر حاس الفكر لين الراس شاب اوحلت وحست مو قادر انحكّر ليش قديم ما قدًم اسباب ابقيت امغير في روحي انذكّر صبر أيوب والمومن مُصاب سكّرته لحمته باب غلاه وين صوبه ردمته وسط القلب بالقهرة كتمته وعنّي قبل ما يحمل اغياب وفي ما فات مستقبل رسمته امعاه ابحنّ نرجى في العقاب ويا ما شعر في ازويله نظمته ويا ما نال م الخاطر اعجاب صنت العهد حقّه ما هضمته وكنت سنيد في يوم المناب لساني شاد عالشينه لجمته خيري طال لبعاد وقراب سكّرت الثنيه عالقدمّ وين جاروا عليًا لاجل القل والحاله الرديًه ارواق البيت شالوا والاطناب كبرت نار في جوفي قويّه جرحي غار ما نفعه اطْباب حبل الودّ قطعوه ابدنيّه طحت فى بير زادوني عطاب وجوه السو كافوني ابسيّة انياهم سود كي لون الغراب قوافي الشعر تحكم في القضيًة وليها الفصل بالراي الصواب هالماضي طويته امغير القهر ما شيّن جنيته ويا ما قبل من عطفي سقيته لين ارويّ من حلو الشراب ويا ما قدر في الغيّه عطيته افداه الروح لا طارن ارقاب اخساره خان بو خزره فليته بو ممشوط حدًر للكعاب ليش معاي غيّرها هويته ابقي خدًاع يلعب بالاصواب وطيّ النفس بو نيّه خبيثه بعد اليوم ظني فيه خاب طلبت الله مولايا دعيته ايردً الحق في يوم الحساب بالقفل المتين لطمته زين باب الغاليين عليه قفّلت تقفيلة سجين اللي مزنوق يرجى في الحساب امسكر ليه مدًات اوسنين طويت غلاه كي طيّ الكتاب جميل النقش سوده فيه عين كبيرة اتبان من تحت النًقاب قمر اطناش خدًه والجبين بو جرعود فايح بالصخاب عليه انرفّ كاينّه جنين انواري فيه حتي عالصحاب هان غلاي عدّا للاخرين وباع الودّ في شان الاذناب وما يحساب موكاري عرين موحش لين ما يجنًه اذياب ودار الوقت قايل لي حزين بلاك اليوم صايرلي اكتئاب ت كيف انرد للي خاينين وراس البيت يعطيك الجواب علي لقدمّ سكًرته الباب |
|
| |
| موضوع: رد: علي لقدمّ سكًرته الباب الأربعاء 13 مارس 2024, 12:41 am | |
| قوية والله تسلم نشر بواسطة : احلام السورى |
|
| |
| موضوع: رد: علي لقدمّ سكًرته الباب الأربعاء 13 مارس 2024, 2:21 am | |
| |
|
| |
| موضوع: رد: علي لقدمّ سكًرته الباب الأربعاء 13 مارس 2024, 4:14 am | |
| |
|
| |
| موضوع: رد: علي لقدمّ سكًرته الباب الأربعاء 13 مارس 2024, 10:34 pm | |
| نشر بواسطة : الحاج الطرابلسى |
|
| |
| موضوع: رد: علي لقدمّ سكًرته الباب الأربعاء 13 مارس 2024, 10:36 pm | |
| |
|
| |
| موضوع: رد: علي لقدمّ سكًرته الباب الأربعاء 13 مارس 2024, 10:40 pm | |
| رام اخرين ولودًي تنكّر علقم شين جرًعني اكواب
جميل ما سطرتم لنا
نشر بواسطة : بنت شط الهنشير |
|
| |
| موضوع: رد: علي لقدمّ سكًرته الباب الخميس 14 مارس 2024, 3:07 am | |
| مرحبا بك اخى الكريم فى انتظار المزيد |
|
| |
| موضوع: رد: علي لقدمّ سكًرته الباب الخميس 14 مارس 2024, 3:10 am | |
| تسلم فاروق نشر بواسطة : مزيونة مصراتة |
|
| |
| موضوع: رد: علي لقدمّ سكًرته الباب الخميس 14 مارس 2024, 12:48 pm | |
| نشر بواسطة : عبد البارى طه |
|
| |
| موضوع: رد: علي لقدمّ سكًرته الباب الجمعة 15 مارس 2024, 3:02 am | |
| |
|
| |
| موضوع: رد: علي لقدمّ سكًرته الباب الجمعة 15 مارس 2024, 3:14 am | |
| صكره دامه ما تستاهلش دمتم بكل ود واحترام |
|
| |
| موضوع: رد: علي لقدمّ سكًرته الباب الجمعة 15 مارس 2024, 9:47 pm | |
| صح لسان الشاعر سلمت الايادى |
|
| |
| موضوع: رد: علي لقدمّ سكًرته الباب الأحد 17 مارس 2024, 11:13 pm | |
| |
|
| |
|