أمرايف عليك أرياف خارق حارق ...
والعقل هاوزر يدوي عقاب الليل
أمرايف عليك أرياف نومي سارق ...
... وجبهة غلاك امحاصرة بثقيل
ومابين رتل اقسامك ...
ومابين حنيتك وحقل ألغامك
مشّطت واجد ما ألقيت بديل
فيه انشــــــــــقاق كبير من يالك ..
يهاون وما هاون عليك أريــــــــــاف
لا حظـــــــر جوي فاد في مرجاك ..
والياس داير عالغــــــــــــــلا إئتلاف
تميت كــــــــر وفــــــــــر نا واياك ..
انخاف ياعـــــــزيز إيسيرلي التفاف
بعيد لكن دوم في اشــــــــــتباك
وهدنة الخـاطر ما اتريد ايقاف
وكتائب الشوق الزاحفــات وراك
هن والاباتشي جايت اصــداف
واخطوط الامداد اللي زمان معاك
قصفهن النيتـــو ياعليك حساف
وظرفي الفارغ طاح في ممشاك
وودك ولامجلسي منك خذا اعتراف
شهيد نمــــــــــــوت في سباك
ولا أســــــــــــير اتشيلني بكتاف
أمرايف عليك العقــــــل دانة دانة
عطينـي أحدثيتك مكـــــــانك وين
جمدت مرســـــــــالي مشا ماجانا .
لا بالثـريا جيت لا بالعــــــــــــين
قــــواذف جــــرادي بايتات حزانا
وقناصك أمتومج في مكان حصين
وانكان اعتصامك هو سبب مشكانا
سلمية مظــاهرتي عليك أسنين
وطـابورك الخامس ياعزبز ورانا
وزاد مرتزقـــــــــــــة ونقـــــــارين
مقابر جمـــــــــــــاعية دفنت زهانا
واللي انجي منك امع النــــازحين
قـــــــــــوافل حنيني جايتك مليانة
إغاثة مـــــودة خوذها اصحيحتين
ومالم تكون ايديك املطـــخة بدمانا
امســــــامحين مانبوش منك دين♥