| موضوع: روعة غناوي العلم الأحد 13 نوفمبر 2011, 2:14 pm | |
|
جانى مستعجل مرسالك = ياللى مانى عد فى حالك
كم عام راجينا الغوالى = لكن باعونا فى التالى
جانى علم ونا ناسيهم = دارت يوم العين عليهم
منهده الاولاف عليهم =غير على طارى طاريهم
اللى متلايم والمنهد=فواهق عندى مالحد
عندى نقناق ايبكيكن = حتى من غير غواليكن
ماضنى كيفى لاوالى =فيك بكا يادار الغالى
كبار النار شكيلنا= قال عليك اعطاب دلالا
نار عزيز على مهلها =تاكل فيا ونستاهلها
مكابر نيران مراهين =انخطى نوطاهن يا عين
قزون وقزنى غالى =ماعد ينظر لى لاوالى
زازيت بنارك يا غالى = مابا يفزعلى لا والى
يا مرهون النار انهدت = توصل فيا ولا عد ردت
لذغة مرهون نوارينا = مامن اللى ولاتا فينا
طلقتو يا الاولاف علي = النيران ومافيدى شى
مرهون املوح منشابا = يلحق فينا ما نحسابا
غالى دار غلا من يالا =لليوم ايجرم فى حاله
الغالى غير اصعاب اموره = لا يلاى ولانى شورا
تبقى عندى حد الغايه = لو كان المنسى ايتهايا
ان كان خطر عداد اللوم =تباكن ماعد ساعه نوم
نار قديم وهى عثانه = حدعزا لنظار بكانا
انسيناكم يا القديمين = الدوه فى هالجديدين
طرواهم ع الياس ايضرك= ضنى خير اكميه فى سرك
يالاولاف انخاطا فيكم =مانى عد كى قبل انجيكم
تنويعك ياعين ايضرك = ع المرهون ابكى فى سرك
غنى ماحاضر فينا شى = تباعد حيل الكيد على
بعد خلوك المرهونين = احملتى فى روحك يا عين
فى ايام وناعندى شرها = ما نهاى العين نظرها
يا جياب نبا فرقاهم = يا ريتك عديت امعاهم
تسوتيهت الاوهام على = مرض لكن ما يقتل شى
ديما ياجوى متعكر = قاعد فى الاوهام انفكر
ننشد فى فسار منامى = قال ابكى ما فيه قسامى
شكيت التقاز وبراج = عللى فى قسمى نعواج
ننشد فى جياب فتاوى = قال انظرهم فى اى جلاوى
كان ابكاك ايداوى عقلى = ليل نهار عليه ادقلى
ملى داروها فى الخاطر = ديما يا عقلى تساطر
|
|
| موضوع: رد: روعة غناوي العلم الإثنين 14 نوفمبر 2011, 2:00 am | |
| يا جياب نبا فرقاهم = يا ريتك عديت امعاهم
روعة خويا عنان |
|
| موضوع: رد: روعة غناوي العلم الثلاثاء 15 نوفمبر 2011, 1:13 am | |
|
ننشد فى فسار منامى = قال ابكى ما فيه قسامى
قووووووووووية
شكرا
|
|
| موضوع: رد: روعة غناوي العلم الخميس 05 يوليو 2012, 7:11 pm | |
| شكراً لروعة طرحك كلمات اكثر من رائعه سطرها لنا قلمك هنا سلمت اناملك ع ما خطته من طرح راقي ربي يعطيك الف عافيه في انتظار كل جديدبكل شوق لك ودي
|
|
| موضوع: رد: روعة غناوي العلم الأحد 29 ديسمبر 2013, 5:14 pm | |
| نشر بواسطة : سعاد الكاديكى |
|