أنت السبب كثرت وين قسيت
كل شي درتا فيك ما قدرت
أن كان عالوفا يعلم الله وفيــــت
و أن كان عالغلا ما يوم نا قصرت
في ما مضا واجد أمعاك بكيـــــت
حتا الزها في دنيتي حرمــــــت
حبيت لكن مالزعل مليـــــــــت
القيت الخساير عرم وين حصرت
ما تنصدم لو قلت توه أنسيـــــت
حاولت وين كثرن أخطاك أقدرت
ماعاد مطرح للصفاء خليـــــــــت
أيامآ أنغامر فالغلا غامــــــــرت
توه ورايا كل شي رميـــــــت
منك حواسي كلها حـــــــررت
الجمعة 17 مايو 2024, 11:43 pm
السبت 13 أكتوبر 2018, 2:18 pm
