شن صارلك يابلادى ........... يا وطن مرزى فى لهيب الصادى
بين قسمة وفرقة ................ وفتنة وضلالة بين غرب وشرقه
وقتلة عزيز عرقى مساوى عرقه ... يضيع الوطن ويفرحو الاعادى
نضيعو معاه وفى الكبد تبقى حرقة .. ونار الندم فى جاشنا صرهادى
الليبى انهان ......................... قالو علينا طحالب وجرذان
ركبنا فى مركب ريّسه الشيطان .... يشكى الوطن يبكى اليوم ينادى
مطامع احزاب وعلمنة واخوان ........ ليبيا تنادى توحدو يا كبادى
توحدوا وابنوها...................... كافى خلاف احقادكم انسوها
فرصة حرام انكان ضيعتوها .......... دامه الوفاق اليوم ليكم بادى
وان ما قدرتوا لغيركم خلوها ....... لاهل العزايم من رجال اجوادى
شن صارلك يابلادى