الغالي رحل ياأحباب راح خسارة

الغالي رحل يااحباب راح خساره ..ماقالي وم الكون طفا انواره

ماقالي يااحبابي ...بنغيب وهالمره طويل غيابي
فجاة رحل ياريت درت حسابي ...راني مشيت معاه صوب دياره
نجمه اختفي م الكون زاد عذابي...وخلي عقيلي تايهات افكاره

ياريت عيني راتا... وين مارحل اكيد ماخلاته
كيف يختفي وكيف ينطفن نجماته...م الكون وياخدهن معاه اسراره
اللي قبل يلقانا ف جميع اوقاته...واليوم خلاني كواني بناره

الغالي رحل ياولافي ...ماقالي وم الكون نجمه خافي
تميت فوق الجمر نمشي حافي ...فراقه رزاني ملقيت ادباره
الله يسامحه بوقلب ديمه صافي ...ويعيش ف سعاده ويكبروله صغاره

وين مارحل ماقال...فجاة اختفي ومادزلي مرسال
نبي نخبره علي جراء مزال ...كيف يختفي ويغيب سود انظاره
ماظن يرجع لا عليه يسال ...مركب تباعد في غريق ابحاره

للشاعر نجم الليل

ما شاء الله روعة
صح لسان الشاعر
ومشكورة اختى ع الاختيار السمح

كلمات رائعة
شكرا