فيه من ايجيب مراء تعمر داره **** وفيه منو ماتصلحش غير خساره
فيه من ايجيب وليه حق بنت راجل وامها بيتية
وفيه منو مكتوبة مراء مدعية كل يوم هيا فالنكد وقحاره
في المحكمة تركب عليه قضية
تسقيه بالحنضل يدوق مراره
فيه من مراء مضلومة
في قدرها وفي بطنها محرومة
بعض العزايز يا حباب مشومة
كل يوم تجري وجايبة خباره
وفيه من تقطرلك في عينك تومة
يكتر غضبها واهلها سمساره
يكتر غضبها
قدا حوش بوها مجددة مسربها
لا حاسبة راجل ولا ضاربها
تبيه ديما الحبل عالجراره
تطلب دبشها فراشها ودهبها
والباب تبي تقلعه من داره
فيه من بنات تعمر
وفيه شكل يخلَي في الحياش يدمر
قد ما ضرب العرس قد ما زمر
مشي فونتي صدقه علي الزكاره
تعري علي سيقانها وتشمر
تخلي الضراري يقعدوا بالحاره
في المحكمة تلقاها
هي وخوها وامها وباباها
القاضي مع اللجنه ايميح معاها
تحكم واللحنة تشن الغاره
والكدب يبدا فراشها وغطاها
خردة وماتسواش طرف شكاره
حاجة اسماها الكوشة
ويصورو السلطان هو وعروسه
ايجو فوق كرسي زاهيات انواره
وناس ياسره في عرفها مخصوصه ومازال تسمع كان عينك تاره
ياعون ياجواشي
عود القماري وين ماتشماشي
لا عاد تلقي شابة دنداشي
ولازول يعجب طلته وعياره
عالجيل متغشش كثر غشاشي
ننسف وداير محوري في ناره ........