الشعر الشعبى الليبى * الشتاوة وغناوى العلم * تراث شعبى


 
الرئيسيةالتسجيلدخول

إرسال موضوع جديد   إرسال مساهمة في موضوعشاطر | 
 

 عندي قلب يخدم بالحبوب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اشرقت

avatar

عدد المساهمات : 295
تاريخ التسجيل : 06/09/2010
الموقع : حى دمشق
العمل/الترفيه : موظفة

مُساهمةموضوع: عندي قلب يخدم بالحبوب   الجمعة 15 ديسمبر 2017, 11:41 pm

ملحمة شعرية براس بيت يقول عندي قلب يخدم بالحبوب باسط الفالح:-
عندي قلب يخدم بالحبوب = أنعاني فيه من نقص القلوب
حكيم بوظفيرة:-
يخدم بالدوا = شايل هم وأمرار وشقا
وزاد الوقت بظروفه قسا = لاأسبرين ينفع فيه لا اشروب
باسط الفالح:-
من نقص الضماير = عندي قلب في مدعاه حاير
كي دبرت ماجابن دباير = لجر العين ما مابا ايتوب
وزدته كيد ثعبين السجاير = أنزيد عليه ديما فالغروب
حكيم بوظفيرة:-
إيريد صيانه = عندي قلب من كثر الخيانة
من وحدين قلالة هنانا = بعكس الحق يمشوا فالدروب
أقلال الدين زادوا في شقانا = نبطل كان عديت العيوب
وهكي تم من ميلت زمانا = عرق الدم ينبض فيه دوب
اأدهم شلبي:-
من نقص المحنة = غير إيموج ماساعة تهنا
من نيران فالماضي كلنه = كي العوين خلنه أهبوب
لا اللي طال ماكان إيتمنه = ولا اللي تاب ساعة عالذنوب
باسط الفالح:-
من كثرت أوجاعي = عرفي قل راقد كيف واعي
اوزيد عليه وضعي لجتماعي = ابقيلي بخت في دورت الصوب
بعد حاولت كثرت المساعي = ودرت عزيز فارح بيه دوب
عكس الوقت مابا لنصياعي = مشا لدروب خالفلي ادروب
خوي حكيم وصلت اقتناعي = انَّ ما قلب عن قلبي اينوب
حكيم بوظفيرة:-
من كثر الهموم = عندي قلب يشحت فالعزوم
عليه أنلوم ماجاباش لوم = أنخاف أنزيد يبلطلي الثوب
وانكان نصحت يبقنلي أخصوم = أمعاي إينوظ مالساعة إيثوب
أبقول علي ما أتشن الهجوم = قريب أنهج ناوي عالهروب
الراوي حميد القابسي:-
من كثر الهموم = عندي قلب مايرتاح يوم
انعاني فيه دساس وكتوم = لاقط درب مو كيف الدروب
وهو والعقل ديما في اخصوم = ان داروا راي عمره ماايروب
قديم العقل فالرايات شوم = هظا بيش ماعنا إينوب
وزاد الوقت خلاّه أمحروم = من من كان فزّاع أمحسوب
الراوي حميد القابسي:-
متضايق إيسايس = عندي قلب من جور الدسايس
أمغير إينس يكمى في غصايص = متبعات كي شغل الشبوب
مامن قلب كيفك يالبايس = يرجا فيه فرّاج الكروب
الشاعر منعم قصلة:
من كثر الوجاع = ومالتخميم ياضايع اضياع
عندي قلب متقسم ارباع = دفينا مات يرجا فالشبوب
إيمتا عمر كوزهن أقياع = حظه شين مالوقت أمغلوب
وهو والوقت ديما في اصراع = ضرب بالطوب اتراب القي الطوب
ياما شاف فالدنيا أوضاع = ياستار ستار العيوب
أنحط أكراع يطلعلي أكراع = واللي فات مالعمر أمحسوب
خالد أشلبي:
من كثر السواية = في وفيه من تكسير رايه
علي مادرت ما زبّد أمعاية = مابا ايلين هالبني أهلوب
إيريد ايرد طامع فالغناية = ويجبر في نرجعله الصوب
ما صدّقت نا انسيته غلايا = هاللي قبل نركبله أركوب
أنعازي فيه ما ألقيته دواية = أنضربت الطوب يطلعلي الطوب
يوسف الليبي:
يخدم بالدقايق .. عندي قلب في ساعات رايق
مملي حب جوفه لين ضايق .. والتقازين داروله اكتوب
وحيد ايعيش ما بين الخلايق .. يدرف دمع يملي بيه كوب
و التبسيم ما هو بيه لايق .. ايعيش حزين في مدعه الصوب
عايش على الميه .. عندي قلب حاله كديه
صايم دوم في ليل و عشيه .. علي طرواه نا ناوي انتوب
مالي نفس في طايب ونيه .. صابر غير نرجى في اشبوب
ننهى فيه عن فعلة الكيه .. ايسايس في يرجع لدروب



الرجوع الى أعلى الصفحة اذهب الى الأسفل
راضية

avatar

عدد المساهمات : 20
تاريخ التسجيل : 14/12/2017

مُساهمةموضوع: رد: عندي قلب يخدم بالحبوب   السبت 16 ديسمبر 2017, 12:06 am

حلوة
بارك الله فيك



الرجوع الى أعلى الصفحة اذهب الى الأسفل
ليبيانو

avatar

عدد المساهمات : 162
تاريخ التسجيل : 31/10/2011
الموقع : الشرشارة

مُساهمةموضوع: رد: عندي قلب يخدم بالحبوب   السبت 16 ديسمبر 2017, 12:07 am

جميلة جدا
تسلمى



الرجوع الى أعلى الصفحة اذهب الى الأسفل
السنوسى

avatar

عدد المساهمات : 183
تاريخ التسجيل : 02/11/2011
الموقع : وين ما تلقوا الزهور
العمل/الترفيه : مهندس زراعى

مُساهمةموضوع: رد: عندي قلب يخدم بالحبوب   السبت 16 ديسمبر 2017, 12:21 am

شعر سمح
ومجهود طيب مشكورين عليه



الرجوع الى أعلى الصفحة اذهب الى الأسفل
ابو احمد العراقي

avatar

عدد المساهمات : 35
تاريخ التسجيل : 18/12/2017
الموقع : منتديات حميد العامري
العمل/الترفيه : مدرس

مُساهمةموضوع: رد: عندي قلب يخدم بالحبوب   الإثنين 18 ديسمبر 2017, 11:02 am

صح لسان الشاعر
بارك الله المجهود الطيب

وشكراً على حسن الانتقاء
 بانتظار المزيد من ابداعك

👽



الرجوع الى أعلى الصفحة اذهب الى الأسفل
http://hameed.montadarabi.com
 
عندي قلب يخدم بالحبوب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
 ::   ::   :: أشعار الصوب ومواجعـــه-
إرسال موضوع جديد   إرسال مساهمة في موضوعانتقل الى: