لو تؤمرين
لو تؤمريني فوق نسمة أنطير ** وأنجيبلك حزمة نجوم تنير
أضوي طريق الحب للإنسان ** يا ليبيا ونزرع ترابك خير
***
لو تطلبي عربون ** قفطان غرزاته هذب العيون
و زرايره طقات قلب حنون ** ندفع عليه العمر ما هو كثير
وكان ما يسد أنجيبلك مليون ** يا ليبيا على محبتي تعبير
***
ناخد شفق الغروب ** انفصله و ندير منه ثوب
وين يشبحه التاريخ فيه يذوب ** وين تلبسيه المجد منه يغير
و بدم قلبي نخطلك مكتوب ** يوصف محبة ما حملها الغير
للاديبة ليلى الهوني