الرئيسيةالتسجيلدخول

إرسال موضوع جديد   إرسال مساهمة في موضوعشاطر | 
 

 زمان شين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت ليبيا

avatar

عدد المساهمات : 43
تاريخ التسجيل : 21/12/2017

مُساهمةموضوع: زمان شين   الجمعة 05 يناير 2018, 10:50 pm

قال الشاعر قاسم اطوير العشيبي :
زمان شين ماعندك عليه عتوبا ... اتفصّل طويل ايجي اقصّير ثوبا
زمان ايغيّر .... اتفصّل طويل ايجي عليك اقصّير
الخاطر مع طبعه ابقي متحير ... وحق دين سيدنا اللي نمشوبا
واللي تاخذه صاحب ايجي متغير ... واللي منهل رايق امروح روبا
زمان خرابا ...... ان ما كان يسرق راه م الطلابا 
واللي يوصفك جابك معا صلابا ... واللي تشكره تلقاه ذيل عروبا
والصاحب ايجي طارش عليك انقابا ... وكاره سهاريك بلا سبوبا
فرد عليه الشاعر الكبير عقوب الشرمي وقال 
زمان فيه الغيبه ..... وريت الخلايق يجسروا ع العيبه
واللي تحسبه عاقل ارضي العطيبه ... واللي واخذه صاحب كشفت اعيوبه
واللي تقول طيب مايغشك طيبه ... ان كان هو لعب تحتار في ملعوبه
زمان نقيده ........ تلقاه يكرهك هللي اتقول انريده
والعيل ايعاف كلام بوه وسيده ... والراجل اللي حمال يستهزوبه
وجارك ايسوف عليك بيده بيده ... ويكرر معاك العيب مية* نوبه 
زمان صغارا ...... والجار مو عارف ايواجب جاره
والسفيه مايسمع كلام اكبارا ... والعاقل ان قال كلام ما يمشوبه
وايجي دون تحكيرك اللي تختارا ... واللي اتريدها عدله اتجي مقلوبه
واللي اتعامله حالن ايبان عواره ... حاجتك ايريد وحاجته هي دوبا 
زمان خلي بالك ...... اللي يجيك ماعاوز مصالح حالك
ان ماكان عايز ماايقول ايش حالك ... وينساك وين مامنك قضى مطلوبه
الناس يقبلوك ان تم واجد مالك ... وينسوك وين ماتقعد بلا سبوبا
زمان يا رجاله زمانن اتراعوا فيه كل فساله
واللي اتكيلوه ايخص في مكياله واللي زين مايمشي علي منسوبه
واللي ايصاحبك يختل مغير ختاله وقلبه امظلم غير ما يدروبه
زمان حشيره طار الحيا ضاعن احقوق الجيره
هاضا زمان امغير حسد وغيره من قلة الدين الصادقه مذهوبه
ماحد ينشد عن مصالح غيره الشاطر يريد امغير ملي اجيوبه
فرد الشاعر فرحات جواد القريضي وقال:
زمان قباحه ...... والعدل حده م الضلال ازاحه
والحاكم الطيب شيل من مطراحه .. والفاسق تقوا ع الضلال مشوبه
زاد المرض ماعاد تفيد جراحه .. أولا ترد مليانه اللي مكبوبه
زمان ماده ماعاد هناك صراحه .. الصادق معاهم كلمته مكذوبه
زمان الخوفه ...... اللي شّهده زوّر مع التفتوفه
حتى البينه تمت مغير حلوفه .. الباطل طفي والحق في غيبوبه
وينهن عوايدنه ووين النوفه .. وين طبع البوادي اللي يحكوبه
زمان نوادر .. الميت حذاه الفرح ناصب شادر
جميع الحياة قيسه خلاص اصادر .. الضحك والبكا لمن ع المندوبه
علامات ساعة جن هذين بوادر ... قدام المطر ديمه تجي هيبوبه



الرجوع الى أعلى الصفحة اذهب الى الأسفل
البدوية

avatar

عدد المساهمات : 10
تاريخ التسجيل : 02/02/2012

مُساهمةموضوع: رد: زمان شين   الأحد 07 يناير 2018, 11:34 pm

شعر سمح صح لسانهم
مشكورة بنت ليبيا



الرجوع الى أعلى الصفحة اذهب الى الأسفل
السنوسى

avatar

عدد المساهمات : 174
تاريخ التسجيل : 02/11/2011
الموقع : وين ما تلقوا الزهور
العمل/الترفيه : مهندس زراعى

مُساهمةموضوع: رد: زمان شين   الأحد 07 يناير 2018, 11:36 pm

بارك الله فيك



الرجوع الى أعلى الصفحة اذهب الى الأسفل
بن يوسف

avatar

عدد المساهمات : 29
تاريخ التسجيل : 22/12/2017

مُساهمةموضوع: رد: زمان شين   الأحد 07 يناير 2018, 11:37 pm

:rr1:



الرجوع الى أعلى الصفحة اذهب الى الأسفل
عاشقة الجنة

avatar

عدد المساهمات : 65
تاريخ التسجيل : 06/12/2017
الموقع : مصر

مُساهمةموضوع: رد: زمان شين   الأربعاء 21 فبراير 2018, 3:23 pm

تسلمى على الشعر
الرائع



الرجوع الى أعلى الصفحة اذهب الى الأسفل
http://marafe-aleman.forumegypt.net/
 
زمان شين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
 ::   ::   :: أشعار الصوب ومواجعـــه-
إرسال موضوع جديد   إرسال مساهمة في موضوعانتقل الى: