ادللى ليك الغلا

قال شاعرنا عناد الشوق
اليوم تنشدى
زعمة عليا امرايف  ؟؟
وانا نقولك ....
يشتاقلك قلبى عليك مرايـــــــف
يدبل ربيعى بلاك حالى صايـــف

نشتاقلك يا حنونـــــــــــــــــــــة
ونعاهدك عهد الغلا  وانصونــــه
انتى الغلا يا جوهرة مكنونـــــــة
 ليك الغلا والغير عنه عايــــــــف
ما نبدلك بجديد يا مزيويــــــــــة
كاسى بلاك يفيض سم زعايــــف

مشتاقلك ياريـــــــــــــــــــــــدى
انتى زها الخاطر وفرحة عيـــدى
شاقى بلاك فى حيرتى وتنهيـــدى
وفى غيبتك تنزل دموعى حذايـف
لا انبدلك لا اندير يوم جديـــــــدى
ليك الغلا يام السماح اوصايــــف

مسمح نسومك عاطـــــــــــــــــــر
بلسم جروحى يا عسل يقاطــــــــــر
عنهن نصيم و عليك انتى فاطـــــــر
حتى حذاى ديمة عليك مرايـــــــــف
انتى سكنتى الروح حوزتى الخاطــر

روحى فداك شويـــــــــــــــــــــــة
فى الاصل روحى ليك ما هى ليــا
 يلى حذاك القمر طافى ضيــــــــــه
ليك الغلا يام االعيون رهايــــــــــف
تبى النجوم نجيبهم بيديـــــــــــــــــا
ونطرز ورود الكون ليك لحايـــــف

ادللى...... ليك الغلا