يا عزيز دورلــــــى دواء ننساك ..!!

رنين صمت عدد المساهمات : 170 عضوية : 20/09/2012

دواء ننساك .. لا حملت عيبك لا حملت بلاك ... ياعزي دورلى !!!!

دوا نسيان ..
ياريت تلقى ياعزيز انكان

نمحى غلاء محفور ف الوجدان ..
فى قلب تالف من امرار خطـــــاك

فى امواقى دمعهن مليانــــــ ..
وفى كسر خاطر صار من سبـــاك

وفى مشاعر سدهن كتمان ..
وفى كبد دابت فى سريب غلاكــــ

غاليتك غلا ما مر بيه انسان ..
وياما احملت انريد غير ارضــــــــــاك

وياما قعدت لمركبك ربـــــان ..
من خوف الامواج اتودره مرســــــاك

وياما ازعلت انجيتنى زعـلان ..
ونمسح ادموعك ما انطيق ابكـــــــاك

ليش بعداب اتردلى الاحسان..
وليش إتقلب كل يوم هواكــــــــــــ

تقابل جميلى ليش بالنكران ..
ادكر امواقف سايرات امعــــــــــــاك

ما القيت فى قلبك اقرام حنان..
انزيد ف المحنه اتزيدنى ابجفــــاك

يا عزيز دورلــــــى دواء ننساك ..!!

نشر بواسطة : رنين صمت

كلمـاتك اروع من الخيــ/ــال
وأجمل من ضياء القمــر
فلهـاذا أوقفت ساحـات أفكـاري
لكن أحتـار قلبي فيما يكتب لكِ
فكتب احترامي وتقديري لكِ و لجمال كلمــ/ـاتكِ

نشر بواسطة : ملاك الود

دانة عدد المساهمات : 1326 عضوية : 06/09/2010

مش عادى
تسلمى رنين

نشر بواسطة : دانة

اوتار عدد المساهمات : 312 عضوية : 10/12/2012

:tt3:

نشر بواسطة : اوتار

مصراتى حر عدد المساهمات : 4 عضوية : 20/11/2013

صح لسان الشاعر

نشر بواسطة : مصراتى حر

» دواء ننساك
» ظنك إيجي يوم ننساك
» عزيز ظلمنى
» تريد دواء..
» فراق عزيز