كول عقول اللي نعونسي

بنت ليبيا عدد المساهمات : 54 عضوية : 21/12/2017

للشاعر عبدالكريم بوعطيه هوالاسم المستعار للشاعر عبدالجليل سيف النصر

كول عقول اللي نعونسي عالمترنسي..والمتننسي للدرسنسي صب عليه اوساخ الكنسي

كول ادماغ

كول ادماغ اللي نعسنجي والغفلنجي..والمطمنجي واللي ما شاطا العونجي..

كلا اللي ري قطل حلانجي..بو لسلنسي ماتتسنسي ولايغبن عنا العرنسي..

ديما بعطورا مترنجي ..والملبنسي ذوق اكونسي والمنطوق عسل تلحنسي

كول ادماغ..

كول اعقول اللي نعونسي عالمترنسي .. والمتننسي للدرسنسي صب عليه اوساخ الكنسي ..

كول ادماغ المستر نايم واللي هايم..والمتغايم واللي نعج ذله رايم ..

لوح في علفة البهايم بعض اكينسي..مالكسبنسي تلقاهم عالعيد اسمنسي ..

واخفي توليمك بولايم ليلة كنسي..مالبعبنسي يبقن فوق ارقابن كنسي ..

وانت كول..

كول اعقول اللي نعونسي عالمترنسي..والمتننسي للدرسنسي صب عليه اوساخ الكنسي

كول اعقول اللي درباكا والهرواكا..والهيساكا واصحاب اللق الزمزاكا ..

غرغرهم سمك هضاكا صب طونسي..مالعكرنسي هبعهم عبي لكونسي ..

فرشك في فم البراكا فوق كرنسي..همك منسي سهلك راه جدب متخنسي ..

كول ادماغ..

كول اعقول اللي نعونسي عالمترنسي..والمتننسي للدرسنسي صب عليه اوساخ الكنسي ..

كول اعقول اللي في غفلة واهل الحفلة..والمحتفله والصانت واللي قطفله ..

لم الجالط والمستفلا عالعرعنسي..والشغبنشي غرس حزب ابليس غرنسي

حط اللي مايسوا تفله م لعونسي..فوق الننسي خليه عليهم يدونسي

وانت كول..

كول اعقول اللي نعونسي عالمترنسي..والمتننسي للدرسنسي صب عليه اوساخ الكنسي ..

كول اعقول اللي مستربي والمدربي..شور الزربي دير عليه برادع سربي ..

حركله زعزاع الغربي .. حل دهنسي فيه رمنسي عالهالك دفا دنكنسي شكشك عند اوذان المربي..

بالملسنسي والبسبنسي عصدلا كبر لعفنسي

وانت كول..

كول اعقول اللي نعونسي عالمترنسي..والمتننسي للدرسنسي صب عليه اوساخ الكنسي ..

كول اعقول اللي بغباغا واهل الغاغا..والرتاغا والمضاغا واللبلاب اللي يثاغا

حالي فم جناب الاغا..بالبسبنسي راو حننسي ريقا عالساقط سكسنسي ..

كلا اللي ايفكر بدماغا .. مايسلنسي له لحبنسي واصوات ايجلنا كنسي

كول ادماغ..

كول دماغ اللي نعونسي عالمترنسي..والمتننسي للدرسنسي صب عليه اوساخ الكنسي

كول ادماغ اللي متغابي..واللي عابي عالعنابي واللي لوماتا درهابي ..

واقلب من بعد الكسابي..والعكبنسي عالرومنسي والنعننسي واكلف لعجول بالرجنسي ..

كثر وين اتزور زرابي..مالترفنسي للمقرنسي واجلب عالسوق المتينسي

صحا كول..

كول دماغ اللي نعونسي عالمترنسي..والمتننسي للدرسنسي صب عليه اوساخ الكنسي ..

كول امخاخ واذهان الهبايل .. والمستوه والمستهتهنشي والمسلاق واصحاب المحايل ..

واللصاق والمشعبطنشي .. والهقهاق رطاب الحبايل .. والبحلاق بعيون الغبنشي ..

واللي هام بالحضره تمايل .. معا تنقير طبل المعبطنشي .. واللي خاف من ضله تخايل ..

واللي خش في جلدا كشنشي .. والطماع سكساك الروايل .. شها مرتاع نوار البلانشي ..

القحف الزق واسطال الغسايل .. عزما رق ريقا هيطلنشي .. فسوق اللق في عز القوايل ..

نافق هق عالمكشوفكنشي .. جوفا لم معفون الخصايل .. وخوفا تم معلون ابرعنشي ..

اسوالا كم ومنين الجعايل .. وان كان اهتم هما المكسبنشي .. اسطاوي نح ملسن فالحفايل ..

دبر الزح دين المقردنشي .. تما كوز قدوا للغفايل ..ابوكل اللوز غدوا لأمننشي ..

الوقت اشان ماعز الدلايل .. فسادا بان مافيه انكرنشي .. وطن العز نابوع الفضايل ..

للي ايهز تما ملطشنشي .. وشن بيحز عن ناسا هوايل .. واللي ايفز نيتا عالنتنشي ..

وشن مازال ما طقا غوايل .. ومن بيسال والعليا كفنشي .. وبالجهال واحكام الجهايل ..

والتطبال في اعلام الوشنشي .. ابدي التدنيس وافتال الختايل .. وشرع ابليس ملت لاكثرنشي ..

عيت دعوه لغو في سوايل ..ودور درجوه عالضنوا عطنشي ..

وعيت رعيش من نفخا ذلايل .. ايعيش ايعيش حفظ المنشدنشي ..

وعيت الغفل نعسو عالطبايل .. عليهم قفل سكر بالطرنشي ..

وعيت امين في كل المسايل .. متفقين من قبل النقنشي ..

وعيت الدلو عالتفتف ولاايل .. عبو عالفلو ناضو مالغبنشي ..

وعيت كريش لهيو بالطوايل .. جوهن جيش زاحف للقرنشي ..

ايكال العيش ابخزي ونعايل .. جاعندايش تشهاي الخرنشي ..

وعيت البوق حلوق الوكايل .. دارو سوق طبل ومزمرنشي ..

دعو لملوك ف عراسا شكايل .. وعالغرنوق زفوه الدبنشي ..

وللهيدوق تزيان النطايل .. علم مرموق في عصر الغشنشي ..

انجوم الردح طمعا في نحايل .. قصائد مدح شادو بالطرنشي ..

تخصص قدح في شعل الفتايل .. الهم فالكدح ياجا الشحشحنشي ..

اشهود الزور تجار الرزايل .. للجمهور باعو الوهمشنشي ..

مرض لقرين طعمهم علايل .. منعميين بالونا عمنشي ..

المربيين ربيو عالسفايل .. اقلال الدين خوان الامنشي ..

الخراسين ياجوج القبايل .. الجوالين في فجوج العفنشي ..

قول الحق لقيوله بدايل ..مايطروه عنا مبعدنشي .. ويامغلاه تعويم المسايل ..

عالتواه واهل البلعطنشس .. حبل الكذب مدوهن جدايل .. رشية جذب للذايل بكنشي ..

بلا تحشيم تفليط الدجايل .. وبالتشحيم تلقيط المعنشي .. خذن كرعين فيهم عالحجايل ..

فراغة عين والسن ملعقنشي .. وفكل احفال تنهال التفايل .. طمع فنوال كاس المهرجنشي ..

عبيد المال طلاب الجعايل .. ابنظم اقوال شعر المردحنشي اوجاع الوطن ما عنهن سوايل ..

وعالانسان وحقوقا هزنشي .. اوهاب الله وانعام وجمايل .. مطايا زور بيع المتجرنشي ..

الغشاشين حرام الحلأيل .. البكاشين حلال الحرمشي .. اشنك لهقاق وادواس الهزايل ..

شحوت العاق لحاس الطرنشي .. افواه السو بزقاط اتحايل .. بديو جوهم والمرمدنشي ..

وقت النو قادوها شعايل .. وهاهم تو لسلت مرطبنشي .. ادعات الزيف زايفهم تهايل ..

كم وكيف من غير اختشنشي .. مطر في صيف واهدار اف شوايل ..

ومو بالسيف ردح المسلقنشي .. غير اطماع دلات عن سفايل ..

وضعف وهونسي وقلت سينسي وموتت حسنسي ..

وقبول عيش بالذل تحت المدنسي ..

كول ادماغ

كول ادماغ اللي نعونسي عالمترنسي..والمتننسي للدرسنسي صب عليه اوساخ الكنسي

لسماع القصيدة

نشر بواسطة : بنت ليبيا

شوق عدد المساهمات : 1536 عضوية : 29/09/2010

موضوع مميز
:rr1:

نشر بواسطة : شوق

عاشق ليبيا عدد المساهمات : 36 عضوية : 05/07/2014

قالها على شخص
طلعوا غيره كلوا عقولنا

نشر بواسطة : عاشق ليبيا

نصيب عدد المساهمات : 9 عضوية : 22/12/2017

:rr1:

نشر بواسطة : نصيب

عاشقة الجنة عدد المساهمات : 76 عضوية : 06/12/2017

شعر جميل و رائع

الف شكر

بانتظار جديدكم

نشر بواسطة : عاشقة الجنة

بن يوسف عدد المساهمات : 37 عضوية : 22/12/2017

قوية
شكرا

نشر بواسطة : بن يوسف

طرح رائع
استمري

نشر بواسطة : علاء العراقي الجريح

اشرقت عدد المساهمات : 328 عضوية : 06/09/2010

نشر بواسطة : اشرقت

» هدي نهاية حبنا اللي طال