وين فلان ووين فلان ... اللى عالشاشة كان ايبان
قالوا جيناها نحبوها ... بنقضوا على حكم الطغيان
قالوا عصرية نبنوها ...... فيها الليبى عالى الشان
قالوا جنة بنخلوها .......... كيف امريكا واليابان
صّدقنا رتعوا حكموها ..... رتعة ذيب فوسط الضان
ضربوا ضربتهم نهبوها ...... خلوها قاع وسيسان
وهربوا فى حالة سابوها ...... مطلوقة فيها النيران
والناس اتزازى خلوها ........ همّ وغمّ فى كل مكان
حيارى ما عرفوا يداووها .. سكارى من كاس الخذلان
غصة ورا غصة زمطوها ... لا ارتاحوا توا لا زمان
صيورة ضناها يردوها .... ويبقى ماضى صار وكان
وين فلان ووين فلان ...... اللى عالشاشة كان ايبان
منقول
اليوم في 12:39 am
السبت 29 أغسطس 2020, 5:36 pm
