استر الناس الله يستر عيبك ...
وخليك لكسور العباد جبيره ...
واغمر احبابك والأقراب بطيبك ...
راهو المتكبر النار مصيره ...
وخليك وافي ماتخون حبيبك ...
وحاول مع الناس الخطا ماتديره ...
ماتبيع لاتطعن في ظهر صحيبك ...
وخلي علي احبابك في قلبك غيره ...
وإياك تشكي للعباد نحيبك ...
اشكي لربك مااتطيح لغيره ...
وانكان من غالي وجيعه تصيبك ...
خلي أقدارك عاليه وكبيره ...
حاول السيه تشدها وتعصيبك ...
وخلي المفتن يرتدم تحفيره ...
وقابل الن.اس الباهيه بترحيبك ...
كون شهم ماتخلي العيب يجيبك ...
وأخطى العقول الطايشه الصغيره ...
وأعبى علي ذراعك وخوك وجيبك ...
لو كان جبراتك اوقات مريرة ...
وهالوقت ماتخلي اخطاه يعيبك ...
وخلك قطاف الناس من تفسيره ...
وارضى بقسمك فالحياه ونصيبك .
نشر بواسطة : الحاج الطرابلسى